Тортиче за мерак, лесна структура, сочна, вкусна и убава на пресек. Додадов и 1 кафеав пандишпан за да дојди пошарена, вие не морате ако не сакате или ако немате. Јас секогаш си чувам готови пандишпани о дома, ако не ги употребам сите, останатите ги замрзнувам и после одмрзнување немаат воопшто промена во вкусот.
Состојки:
4 јајца
1 шола шеќер
¾ шолa масло
1 шола млеко
1 лажиче сода
2 1/3 шоли брашно
2 ќесички ванилин шеќер
прстофат сол
За фил
500 мл слатка павлака
200 г квалитетно темно чоколадо
3 лажици какао крем
1 ќесичка шлаг крем (најдобро чоколаден)
За прелевање на корите
150 мл врело млеко
1 лажица инстант чоколадо
Глазура
Чоколаден прелив или растопено чоколадо
Подготовка
Изматете ги јајцата со шеќерот и ванилиниот шеќер, додадете го млекото и маслото, па на крај додадете го брашното со претходно додадената сода и сол. Измешајте убаво со дрвена лажица и истурете ја смесата во калапот за торти, обложен со хартија за печење, а страните намастени.
Пеќете околу половина час во загреана рерна на 180 степени. Проверете со чепкалка за заби дали е готов пандишпанот.
После печење, оставете убаво да се излади, потоа извадете го од калапот, отстранете ја хартијата за печење и во хоризонтала, сечете го на 3 дела со голем нож или со конец.
За фил, се загрева кратко слатката павлака со чоколадото и какао кремот додека не се растопат убаво. Се меша до изедначување. Се остава да се излади.
После се мати со миксер и се додава 1 ќесичка шлаг директно во филот, ако ви иди прегусто, додадете малку млеко, филот ќе го зголеми доста волуменот. Додадете ги и мелените ореви.
Подгответе го преливот за корите со загревање на млеко измешано со инстант чоколадо.
Почнете со редење на тортата, ред пандишпан, попрскајте со млеко, ред фил. Со преостанатиот фил премачкајте ја целата торта, а одозгора нанесете чоколаден прелив или растопено чоколадо. Оставете ја убаво да се излади. Декорирајте по желба, јас додадов само малку кршени ореви.
—
