Бајадера е кралица на непечените колачи, незаменлива е и е неизоставен дел од нашата Божиќна трпеза. Рецептот е од мајка ми и откако бев дете го правиме истиот и не го менуваме, вкусот е перфектен.
300 г шеќер
250 мл вода
200 г путер
300 г мелен орев
300 г мелени бисквити
150 г темно чоколадо
Шеќерот водата и путерот се ставаат во тенџере да зовријат. Откако ќе зовријат и состојките ќе се стопат, се остава течноста малку да олади и се додаваат мелените ореви и бисквити. Се меша убаво и веднаш се дели смесата на половина. Во едната половина се додава 75 г растопено чоколадо и се меша убаво. Двата дела се оставаат малку да се изладат.
Темниот дел се натапкува убаво и рамномерно се распоредува во правоаголно тавче 20 на 30 цм. Врз него се нанесува светлиот дел. Убаво се распоредува и измазнува.
Потоа се растопува преостанатото чоколадо на пареа и се нанесува одозгора.
Бајадерата се остава убаво да се излади и стегне во фрижидер.
Се покрива со фолија.
Следниот ден се сечи на правоаголници се послужува.
На здравје.
—
Рецепт од Гордана Аџиева-Михајловска автор на
www.macedoniancuisine.com
