Познатата Васина торта директно од тефтерот на мајка ми. Памтам уште ко бев дете дека тортата беше хит меѓу домаќинките, а мене не ми беше ништо посебно. Ми требаше да пораснам за да сфатам зошто е толку посебна и убава и важи за една од најдобрите торти на овие простори. Оваа торта беше подготвена за Божиќ.

5 јајца
5 лажици шеќер
7 лажици мелено ореви
3 лажици брашно
1 пециво
4 жолчки
2 пакетчиња ванилин шеќер
8 лажици шеќер
100 г чоколадо
125 мл млеко
250 г мелени ореви
180 г маргарин
половина чаша сок од портокал
рендана кора од 1 лимон
1/2 чаша сок од портокал
4 белки
12 лажици шеќер
1 кафен филџан вода

BITOLA TOUR GUIDE / ПРЕВЗЕМЕТЕ ТУКА _____________________________________________________________________________________

Подготовка

За пандишпан
Се матат јајцата со шеќерот убаво, се додаваат мелените ореви и просеаното брашно со пецивото и се мешаат полека со дрвена лажица.
Смесата се истура во плех обложен со хартија или во тавчето во кое мислите да печите, имајќи на ум дека пандишпанот ќе ви биде база на тортата. Овде пандишпанот е поделен на 2 ленти и тортата е на 2 спрата.
Се пече на 180 степени 15-20 минути, проверете дали е печен и порано.

Фил
Прво жолчките се разматуваат, се мешаат со шеќерот и се ставаат на пареа кратко да се сварат колку да се пастеризираат. Дур е смесата жешка, се додава и чоколадото да се растопи, се меша и се тргна на страна да се олади.
На срана се вари млекото и во него се додаваат мелените ореви и се остава да се олади.
Откако ќе се оладат двете смеси, се мати маргаринот со миксер, во него се додава смесата со жолчки и мелените ореви, се мати убаво и на крај се додава сокот од портокал и кората од лимон.

Пандишпанот се дели на 2 ленти, се зема едната лента, се попрскува со 1/4 сок од портокал и се нанесува половината фил. Врз неа се става и втората кора и се повторува постапката.

Најгоре се нанесува шамот.
Се матат убаво белките, а на страна се вари шеќерот со водата 10-тина минути. Припремениот сируп се додава капка по капка кон изматените белки и се продолжува со матење додека не се потроши целиот сируп. Смесата од белки се нанесува одозгора врз тортата. Тортата е највкусна да се консумира наредниот ден.

Врати порака

Please enter your comment!
Please enter your name here