Ако ви доаѓаат гости, а немате многу време да им подготвите нешто, овие салати се навистина одличен избор во кој сите ќе уживаат.
Се подготвуваат многу брзо и лесно, многу се вкусни и се одличен прилог со кифлички и други печива, како и со ракија или мастика.
ТИРО САЛАТА
Состојки:
250 г фета сирење
400 г павлака
5-6 лути пиперчиња (туршија или свежи)
1/2 лажичка оригано
1/2 лажичка сув магдонос
сол
Подготовка:
Сирењето издробете го со виљушка, додадете ги ситно исечканите лути пиперчиња, павлаката, ориганото и сувиот магдонос и убаво промешајте.
СУСАМ САЛАТА
250 гр урда
3-4 лажици павлака
2 лажици мајонез
100 гр потпечен сусам
Подготовка:
Потпечете го сусамот на тавче без масло. Ќе добие прекрасна арома.
Измешајте ги урдата, павлаката и мајонезот и додадете го сусамот и убаво измешајте.
Добар апетит!
