БИТОЛА, ул.Рузвелтова бр.18 тел.075 22 47 22, Нов пазар 075 44 57 40

По подолго време продолжуваме со објавување на специфичните зборови од битолскиот говор. Искрено рубриката сакавме да биде подржана од некоја фирма битолска Х, битолско Y или битолски Z и слично но не наидовме на некој посебен интерес и продолжуваме самостојно…

  Како битолчани една од нашите главни одлики со која од другите во Македонија се разликуваме е нашиот специфичен битолски говор,кој моментално е подзаборавен.

Битолскиот говор е сублимација од македонски, турски, влашки, еврејски, ромски, албански искричења и метафори кои заедно и меѓусебно де поврзани и се добива една совршена слика за духот на Битола во одреден период на богатата историја, збогатен со унгарски, германски и француски термини како спомен од нивното влијание во Битола за време на двете светски војни, како и од новите зборови од повратниците печалбари.

Ова е третиот дел на едно поглавје од рубриката “На битолски…”која и вие како битолчани имате можност слободно да надополнувате со цел истиот тој да се запамти и не заборави…една од поголемите желби на Димитар Димитровски Такецо кој и прв во нашиот град го започна и објави битолскиот зборен фонд од посебен градски жаргон, како некаков таен код кој е наменет за употреба во посебни прилики…

Ете го натамошното абецедарско продолжување на хармоничната мелодичност на битолскиот говор :

Варило-готвење, верзевул-натемаго, вудве-дупло, вуртабак- шлаканица, ќотек, гајгур хермафродит, галиба- веројатно, грнета-кларинет, гемија-лаѓа, давија-поплака, далјан, карма снагатор, далавера, дубара -противзаконско дејствие, дандара мандара-лажни приказни, дандана-пред целата јавност, дибек-камен за толчење кафе, недоделкан човек, дрндач вртиверец, дрле па дрле исто па исто, дрндупка-повлекување, тегнење, дубеш-две петки кај заровите, думстер-незнајко, дусе две тројки кај заровите, дудош две шестки кај заровите, ѓевшек -на лер, ѓериз-одводен фекален канал, бразда, ѓурултија-кавга, ексик-досаден, енглеџе -од немајкаде, еписибир-нарамно, сеедно, епиек две единици кај заровите, ербап -снаодлив човек, ерген неженет, есап сметка, еснаф скромен човек, зевзек немирко, зезање -заебанција, зандана затвор, зијан губиток, зрзе засмејувач, зркле љубопитен, ѕвиска-акачка, пошеталка, имела -вртоглавица, исав -милост, ифрит- јад, ишарет -мимика, иштаф апетит, јабана-попусто, jaнsa чувство пред несреќа, јунфер-човек без сексуално искуство… 

(продолжува)

Врати порака

Please enter your comment!
Please enter your name here