БИТОЛА, ул.Рузвелтова бр.18 тел.075 22 47 22, Нов пазар 075 44 57 40

Иако беше единствената парна локомотива на просторите на поранешна Југославија, „Црнка“ немаше намера да се пензионира сѐ до 90-тите, но пред некоја година таа заврши на отпад а нејзината „мајка“, славна и единствена Шеќерана во Македонија замина јабана.

Во натписот од постар број на Битолски весник („Црнка“ не размислува за пензија автор С.Г.) пишува дека во најубавите времиња нејзината посада ја сочинувале: Драганчо Лингуровски, машиновозач, Тони Талески, Цане Стојковски, Зоран Стојановски (машиновозачи-ложачи) и Васил Попчевски, скретничар. Сите членови на посадата на парната локомотива имаале положено соодветен испит и дипломи издадени од Македониската железница за работа во оваа дејност.

Фото Љупчо Николовски

Парната локомотива „Црнка“ била од моделот 62-651 и е произведена во фабриката Ѓуро Ѓакович од Славониски Брод, во далечната 1953 година. Тежела 41 а во работа 50 тони и развивала најповеќе 45 км/час. Нејзиниот рекорд бил 42 вагони и работела само во локален сообраќај од Шеќерана до железничката станица во Битола, влечејќи без проблем преку 420 тона шеќерна репка и годишно над 4000 вагони.

Фото Методи Димевски

Како познатото македонско вовче Ќирчо, сигурно и Црнка можела да има почесно место некаде на железничката станица во Битола, најмалку како историска поставка од последната парна локомотива во Македонија.

Но тоа не се случи и заврши во битолски отпад, слична судбина која што ја доживеа и нејзината „мајка“ познатата битолска Шеќерана 4-ти Ноември од Битола.

Врати порака

Please enter your comment!
Please enter your name here