На 22.07.2024г. во Офицерски дом- Битола, беше одржана промоцијата на книгата „Губејќи те“ со поезија на младата поетеса, битолчанката Изабела Хејнор. Во неа, Изабела пишува силна, младешка и бунтовна поезија. Љубовта и потрагата по неа ја дефинираат поетиката на нејзината прва книга. Во оваа книга, болката не значи очај, а крикот по љубовта е силен, гласен и бескомпромисен. Само љубовта може да ја пополни празнината на човековата душа.
Изабела Хејнор (родена на 25.12.2005), своето средно образование го заврши во ОСМУ „Јован Калаузи.” Нејзино главно хоби е спортувањето. Нејзината љубов кон книгите датира од нејзина најмлада возраст, а ова е нејзина прва авторска книга.
Посакуваме ова да биде само прв чекор кон патот на успехот на Изабела и се надеваме дека ќе служи како пример за младите генерации, за насочување на енергијата и развивање на љубов кон пишаниот збор.
Книгата „Губејќи те” може да се набави по симболична цена, во Book’s house и Книжарница Урбаниум.
