Global Help Desk е мултифункционална компанија која нуди услуги и решенија во повеќе области (Network Operations Center, help desk, call center) појавувајќи се како 24/7 достапен партнер на своите клиенти, а од друга страна пак нуди одлични можности за вработување, личен и професионален развој. Дознајте повеќе за Global Help Desk од интервјуто со Благојче Сиџимовски, дел од тимот за равој на бизнисот на Global Help Desk.
KОЈ Е БЛАГОЈЧЕ И КОЈА Е ТВОЈАТА УЛОГА ВО GLOBAL HELP DESK?
Благојче е едно од првите лица со кој ќе се запознаете доколку одлучите својата кариера да ја започнете во Global Help Desk. Личност која што сака постојано да се надоградува и секогаш бара нови предизвици, личност која не се задоволува со просечното. Низ својата кариера сум бил дел од поголем број на компании во државата и надвор од неа на најразлични позиции, од телефонски оператор до Chief Оperating Оfficer, а моментално сум дел од тимот за развој на бизнисот на Global Help Desk. Надвор од работата сум личност која сака да го поминува слободното време со пријателите и семејството.
КАКО ДЕЛ ОД ТИМОТ ЗА РАЗВОЈ НА БИЗНИСОТ НА GLOBAL HELP DESK, СПОРЕД ТЕБЕ КАКВА КОМПАНИЈА Е GLOBAL HELP DESK?
Ние сме старт-ап компанија која јас би рекол е прва во нашиот град од овој вид а веројатно и пошироко. Нашата компанија се занимава со грижа на корисниците или подобро речено поддршка, нудиме услуги во повеќе области затоа би рекол мултифунционална компанија со услуги како што се (Network Operations Center, help desk, call center), а наша цел е да им помогнеме на компаниите да го развијат својот бизнис кој ќе се одвива беспрекорно и ќе им овозможи да создаваат трајни партнерства и вредности на нивниот пат кон успехот, преку алатките и услугите кои им ги даваме. Со други зборови им нудиме експертиза која ќе има овозможи да работат попродуктивно, поефективно и поразлично од нивната конкуренција. Ние сме компанија која се фокусира на нашите клиенти, нивниот успех е и наш успех.
КАКВА Е ИДНИНАТА НА GLOBAL HELP DESK СПОРЕД ТЕБЕ ?
Со почетокот на пандемијата мислам дека стартапите во последните неколку години се покажаа како се посилни од тоа што сите веруваа. Иако постои стереотип дека е тешко еден старт ап да успее, јас би рекол дека се докажува токму спротивното каде ваквите нови компании се многу поподготвени за предизвиците кои произлегоа од пандемијата. Мислам дека новите компании се со подинамична атмосфера за работа, и имаат голем број на иновативни и нови креативни начини на решавање на проблемите.
Низ моето долгогодишно искуство на голем број на проекти во минатото, и гледајќи денес наназад, јас, заедно со останатиот тим на Global Help Desk сме инспирирани да станеме еден од водечките “Help desk” центри. Нашата визија е да станеме првиот избор на клиентите ширум светот кој ќе ги поддржи да ја реализираат својата мисија преку обезбедување брзи и квалитетни услуги. Пред нас е период каде очекуваме големи проекти и големи успеси како и проширување на нашата компанија.
КАКО ИЗГЛЕДА ЕДЕН ТВОЈ РАБОТЕН ДЕН ВО GLOBAL HELP DESK?
Работниот ден најмногу зависи од задачите и обврските за истиот. Најчесто сите тука започнуваме во опуштена атмосфера со кафе и дружба со колегите на летната тераса или поручек. Денот продолжува динамично со работа, состаноци, работа на таскови. Имаме чести средби и комуникација со тимот за постоечки проблеми и нивни решенија, a се фокусираме и на истражување и учење нови технологии.
КОИ СЕ ВРЕДНОСТИТЕ КОН КОИ СЕ СТРЕМИТЕ И ШТО ЈА ПРАВИ GLOBAL HELP DESK ПОРАЗЛИЧНА ОД ДРУГИТЕ КОМПАНИИ ВО ПОГЛЕД НА КУЛТУРА И ВРЕДНОСТИТЕ КОИ ГИ ИМАТЕ ?
Вредностите кон кои ние се стремиме се: желба за континуиран напредок, желба за успех, одговорност, флексибилност и брза адаптација. Нашата компаниска култура негува пристап насочен кон луѓето и ние сме секогаш тука за нашите вработени на секој чекор од нивното лично и професионално патување, и не само тоа, Global Help Desk е, и ќе биде компанија која нема да дозволи да “заглавите“ во вашата комфорна зона. Со колегите постојано сме во динамична атмосфера, и секој ден преку работата се сретнуваме со различни проблеми и се стекнуваме со нови знаења и вештини, па така секој поединечно во нашиот тим придонесува за нашиот успех. Сакаме и веруваме дека секој може да напредува со знаењето и да се надоградува преку секојдневните предизвици и со тоа да напредува во кариерата. Како што споменав на почетокот нашата компаниска култура е да негуваме пристап каде компанијата се грижи за своите вработени и нашиот тим ужива голем број поволности како приватно здравствено осигурување, ваучери за фитнес или салон за нега и убавина, можности за напредување и работа во пријатна тимска средина, а една од најголемите придобивки е што работиме на големи светски проекти.
КОЛКУ Е ВАЖНО ЗА ЕДЕН ВРАБОТЕН ДА ИМА ИСТИ ИЛИ СЛИЧНИ ВРЕДНОСТИ СО КОМПАНИЈАТА ВО КОЈА РАБОТИ?
Па според мене јас мислам дека секоја компанија треба да има свои вредности тие се нешто што луѓето го чувствуваат, веруваат, и нешто според кое живеат затоа е доста важно и вработените да имаат слични вредности за да можеме заедно да ги негуваме и надградуваме.
ШТО ТРЕБА ЕДЕН ПОТЕНЦИЈАЛЕН ВРАБОТЕН ДА ЗНАЕ ЗА ДА ЗАПОЧНЕ ДА РАБОТИ ВО GLOBAL HELP DESK?
Дејноста со која се занимава нашата компанија е како што кажавме не толку застапена на нашиот пазар па така условно речено ние не можеме да “украдеме или купиме“ готов кадар од друга компанија и веднаш да го вградиме во нашиот систем.
Затоа нашата компанија има тренинг период, процесот на учење е доста едноставен. На кратко би рекол секој кој сака да аплицира во нашата компанија потребно е најпрво познавање на англискиот јазик, добри комуникациски вештини, снаодливост во, и заинтересираност за компјутерски вештини и алатки. Шанса за вработување во Global Help Desk имаат и почетници и оние со долгогодишно работно искуство, секој може да стане дел од нашиот тим. Јас би рекол дека е важно да знаете да работите но исто и да сте подготвени да учите.
Така што секој кој е заинтересиран да стане дел од нашиот тим, може да ја посети нашата вебстрана www.globalhelpdesk.eu и да аплицира, или да го пушти своето CV на [email protected]. За сите оние кои сакаат да научат нешто повеќе за нас, може да ја посетат нашата вебстрана, да ги заследат нашите профили на Инстаграм, Facebook и LinkedIn или да нè контактираат директно.
Андријана Димитриевска
