БИТОЛА, ул.Рузвелтова бр.18 тел.075 22 47 22, Нов пазар 075 44 57 40

Во духот на истрајноста и континуитетот на Меѓународната ликовна колонија „Де Ниро“, затворањето на нејзиното 17-то издание ќе биде одбележано со отворање на изложбата „АЗБУКА“ на ликовниот уметник Сергеј Андреевски.
„Изложбата ја посветувам на нашиот Великан Конески. Блаже Конески е и А и Ш во нашето современо живеење. Тој ги постави темелите на современата македонска азбука.
Беше близок и со моите родители. И татко ми Петре, и мајка ми Светлана Христова – Јоциќ соработуваа со него, бидејќи и двајцата го љубеа зборот и јазикот наш македонски, но и Блаже човекот.
Изложбата ја нареков „АЗБУКА“. Целта е да ја разбудам јавноста за значењето на македонската кирилична азбука и нашиот јазик, особено сега, кога секојдневно е оспоруван. Ова ќе биде мојата поддршка за славење на името и делото на научникот, творецот и создателот на нашето современо писмо Блаже Конески, во годината кога се одбележува 100-годишнината од неговото раѓање. Изложбата е циклус од 31 слика – секоја буква има своја приказна, свој свет..
Меѓу другото, имајќи ја во предвид состојбата со пандемијата, замислата ми е, овој циклус да го претставам и на отворено. Односно, на отворено ќе бидат посетителите, случајни или намерни, а сликите ќе бидат изложени во излозите низ целиот битолски Широк Сокак. Верувам дека ова ќе биде многу оригинално и атрактивно претставување, своевидно изненадување за јавноста!“ – ни изјави Сергеј Андреевски
Свеченото отворање е закажано во петок, на 27-ми август со почеток во 19:00 часот, пред пицеријата „Де Ниро“, Битола.
Оваа година Меѓународната колонија „Де Ниро“ беше домаќин на ликовни уметници од Германија, С. Арабија, Црна Гора, Србија, Грција и Македонија, а покрај главната програма, дел од колонијата беа и меморијалната изложба на Миливоје Новаковиќ – Кањош, изложбата на Панде Петровски, поетско музичкиот перформанс на Пијан Славеј и Славчо Јовев…

Врати порака

Please enter your comment!
Please enter your name here