БИТОЛА, ул.Рузвелтова бр.18 тел.075 22 47 22, Нов пазар 075 44 57 40

Во една од најстарите населби во градот која од самиот почеток била со македонско население,обичај било покрај градењето на своите куќи да се остави и поголем широк простор кој ќе им служи на жителите за собири.
Населбата Гинимале (Јенимаале-тур.уeni mahaale-ново маало) била единствената населба во Битола со сретсело.
Населението што се доселувало со себе ги носело и своите обичаи.Секоја фамилија си имала своја слава.Но си имале и една најголема,заедничка.
Таканаречениот градски,односно селски Велигден.
Гостите од селата го викале градски Велигден оти оделе во градот на гости, а граѓаните го викале селски оти доаѓале гости од селата.
Обичајот започнувал во четвртокот по Велигден кога гостите од селата доаѓале во црквата „Света Недела“ во Битола и присуствувале на вечерна служба во дворот на црквата.Таму се одржувал и голем народен собор на кој се играло и се пеело до зори.Петокот наутро на Балаклија веселбата продолжувала, а гостите продолжувале кон Битола.Оделе на сретсело каде што продолжувале ората и песните, а за ручек оделе во генимаалските роднини и пријатели.
Рускиот конзул Хитрово констатира дека доселениците во Гинимаале со себе го донеле сите навики,пред се на Православието,а потоа и на етно вредностите.Воедно нова и млада населба со сите нишани на македонската традиција,гинимаалци востануваат една своевидна институција единствена во Битола:Сретселото.
Сретселото е собир на сите млади,главно,односно сите жители на Гинимаале во неделни и празнични попладневија.Девојките имале за задача да испрскаат со вода и сметат а потоа кога сонцето паѓа зад Пелистер,да почнат да се собираат празнично облечени,најнапред со своите рурални носии,а со времето и со костуми на овај простор каде што требаше да се видат и бидат видени.Сретселото во Гинимале и денес е голем излог да се видат мештаните и пријателите,роднините и сите добронамерни луѓе расположени за Македонска народна песна и танец.
Денес гинималското сретсело живее еднаш годишно и тоа првиот петок послем Велигден наречен селски Велигден.
Тогаш цела љубопитна Битола им доаѓа на гости на гинимаалци,чии куќи се отворени,а балконите послани со разновидни и разнобојни јамболии,дифтици и килими.
Тука е присутно културно уметничкото друштво “Илинден” кое ја негува таа традиција до ден денес.

 

image

Текст и раскажувања на Ж.Здравковска,В.Соклевски и Д.Д.Такец

Врати порака

Please enter your comment!
Please enter your name here