Овие мекици ги направив со тесто за леб. Го направив тестото и бидејќи беше поголема количина, решив да експериментирам и да направам неколку мекици. Се изненадив колку нема разлика во вкусот со класичните мекици кои ги правиме со млеко и јајца. Одлични за време на пост. Може да си ги комбинирате со маслинки, џем или со растопено посно чоколадо ако сте во време на пости.
400 г брашно
250 мл топла вода
2 лажици масло
1 лажица шеќер
1 лажиче сол
20 г квасец
масло за пржење
ПОДГОТОВКА:
Растворете го квасецот во топлата вода со шеќерот и додадете ги брашното, солта и маслото. Измешајте убаво со лажица, а можи и да користите миксер со прикачени маталки за тесто.
Покријте го тестото со стреч фолија и оставете го да нарасни 1 час.
Потоа тестото не го премесувајте, само нежно обликувајте го во 1 целина.
Загрејте поголема количина масло. Со набрашнети или намастени дланки, кинете од тестото, обликувајте неправилна форма и ставете да се пржи на умерена температура од двете страни додека убаво не порумени мекицата.
Готовите мекици ставајте ги на хартија за да се впие вишокот масло.
