БИТОЛА, ул.Рузвелтова бр.18 тел.075 22 47 22, Нов пазар 075 44 57 40

Нов идентитет – иста мисија и визија. Со фокус кон иднината, но не заборавајќи ја традицијата, Интерворкс се ребрендира и го промени името во IWConnect.

16.12.2020, Битола, Македонија – Интерворкс, глобална, мултидисциплинарна ИТ компанија фокусирана на интеграција, дигитализација, менаџирање на податоци, анализа, инфраструктура, и создавање на дигитални оптимизирани технолошки решенија (Digitally Optimized Technology Solutions – DOTS), од денес се ребрендира и го промени името во IWConnect. Новото име на брендот, како и логото го означува брзиот раст на компанијата, и подобро ги опишува компетентноста, знаењето, начинот на работа, и искуството кои Интерворкс ги има.

Сопственикот на Интерворкс, сега IWConnect, Александар Мемца изјави: Новото име ја претставува иднината на дигиталното поврзување и начинот на кој ние функционираме, не само интерно во рамките на компанијата, туку и екстерно со нашите клиенти. Интерно, го поврзуваме нашето знаење со нашите вештини и искуство и креираме иновативни решенија со цел да им овозможиме на нашите клиенти постојан раст и развој. Покрај тоа, се поврзуваме и на едно повисоко ниво, како пријатели и семејство. Истото се однесува и на нашите клиенти, односот кој што го воспоставуваме со нив е многу подлабок, не е на ниво клиент и давател на услуга, туку развиваме однос на долгогодишни пријатели и партнери. Она што би сакал да го истакнам е дека нашето правно име останува исто – Интерворкс, тоа што се менува е всушност името на нашиот бренд и дека со оваа промена означуваме почеток на еден нов, уште подобар и поубав период во нашата компанија кој со нетрпение го очекуваме.

Линк од директното обраќање на Александар Мемца, сопственик на IWConnect:

Од денот на основањето во 2004 па сè до денес, Интерворкс, сега IWConnect, е посветена на континуирано создавање на иновативни решенија и вредност за своите клиенти правејќи ги поконкурентни на пазарот. И покрај тоа што 2020 беше крајно непредвидлива година, таа донесе голем број на промени за IWConnect – започнувајќи со отворањето на канцеларијата во Амстердам, Холандија; партнерството со T–Systems Netherlands, ќерка-компанија на германскиот телекомуникациски гигант Deutche Telekom; отворањето на канцеларија во Хјустон, Тексас; клучни промени во организациската структура и воведувањето на бизнис оддели во рамките на компанијата, па сè до ребрендирањето и промената на името во IWConnect.

Повеќе информации за IWConnect можете да најдете на https://interworks.com.mk/

.

——————————————————————————————————————————————

IWConnect е глобална, мултидисциплинарна ИТ компанија фокусирана на интеграција, дигитализација, менаџирање на податоци, анализа, инфраструктура, и создавање на дигитални оптимизирани технолошки решенија (Digitally Optimized Technology Solutions – DOTS). Основана во 2004 година, со седиште во Македонија, и канцеларии во Прилеп, Скопје, Македонија, Амстердам, Холандија, и Хјустон, Тексас (САД), IWConnect е позната и по искуството со трите интеграциски алатки MuleSoft, SnapLogic, TIBCO, го има еден од најголемите оддели за Quality Assurance, и знаење и искуство во вештачка интелигенција, машинско учење, Big Data, Microsoft, PHP, Mobile Development, AWS Cloud, Data Management, Business Support, и DevOps.

Врати порака

Please enter your comment!
Please enter your name here