БИТОЛА, ул.Рузвелтова бр.18 тел.075 22 47 22, Нов пазар 075 44 57 40

Цветанка Шестан, родена битолчанка која долги години живее во Загреб, денес го слави нејзиниот 73 роденден далеку од фамилијата во Битола. Последните родендени ги славела во Битола, но оваа и минатата година заради ковид пандемијата, патувањето кон Македонија за Цветанка е само желба.

Така нејзината внука решила да ја изненади денес со еден прекрасен гест.

„Се разбудив утрово со помислата дека на тетка ми која ја обожавам ѝ е роденден. Размислував како можам да ѝ го разубавам денот кога сум толку далеку. Не знам ни самата како ми дојде идејата. Седнав на компјутер и прелистав дали постојат цвеќарници во Загреб каде можам онлајн да направам нарачка и да платам со картичка. Се изненадив дека ги има неколку. Без двоумење, одбрав еден прекрасен букет со шарени рози и напоменав дека е важно да биде доставен букетот во текот на денот. По еден и половина час, ме побара тетка ми на Вибер со солзи во очите, одвај зборуваше, беше пресреќна кога доставувачот ѝ ѕвонал на вратата со букет рози од Македонија!

Кога сакате некој, и да сте далеку од него, можете да најдете начин за да му го разубавите денот.“ – вели битолчанката Гордана Аџиева – Михајловска, внуката на Цветанка.

Врати порака

Please enter your comment!
Please enter your name here