Во период кога се одбележува Месецот на Франкофонијата, Битола уште еднаш ја потврдува својата улога како еден од главните културни центри што ја негуваат француската традиција во Македонија. Градот на конзулите, со својата богата историја и европски дух, денес активно живее преку настаните и програмите на Француската алијанса.
Токму овие денови, преку културни настани, проекции, едукативни работилници и средби, Француската алијанса во Битола создава простор за размена на идеи и вредности, поврзувајќи ги младите со франкофонскиот свет. Овие активности не се само симболични, туку претставуваат жива врска меѓу традицијата и современото културно изразување.
Во оваа приказна, своја улога има и Калиопа Кривашија – Стилиновиќ е почесен конзул на Република Франција во Битола која со својот уметнички израз и меѓународно присуство претставува еден од најсилните културни амбасадори на Македонија. Нејзиниот глас, препознатлив и надвор од границите, е уште една потврда дека македонската култура има свое место во европскиот и франкофонскиот простор.
Битола и понатаму останува пример како еден град може да ја негува традицијата, но и да ја живее во сегашноста, преку луѓето, институциите и културата што ја поврзува со светот.
Повеќе на темата може да прочитате на Умно.мк.
