Почитувана Градоначалничке, почитувани Советници и сите вие кои имате моќ во вашите раце да донесете клучни одлуки во нашиот град.
Ние како сопственици на Хотел Шумски Фенери од вчера па и денес примивме преку 15 барања за резервации за сместување на гости во нашиот објект, сите од Скопје. Фамилии со деца, парови и друштва. Сите беа културно одбиени. Но секој од нив ни кажа цена за вили кои се издаваат на нашата планина, зошто да не работиме кога други работаат.

На прашањето што ќе правите после 16 часот кога сите одиме во карантин, одговорот е ќе се дружиме во дворот.
Сакам да ви доловам дека на оваа пропадната економска ситуација еден куп ќе прифатат и сламка. Ќе ги исконтролираат регистрираните објекти во градот, некој работи некој не, но вилите никој нема да ги знае.

Само еден пример ќе ви кажам. Милано пред првиот карантин од цел викенд, масовно беше напуштен. Такви гужви на излез од градот не памтат. Сите се упатија на планина, по скијачки центри, излетнички места. Секаде само не во карантин. По 10 дена ситуацијата ескалира, и сите знаете што им се случи потоа.

Не сакам да ги коментирам одлуките на Комисијата, во нив има еден куп недоречености. Но вие почитувани челници на градот сторете нешто и затворете го градот наш!!!!

Во доволен број сме сите во него за да функционираме. Нема излегување нема влегување, освен во рамките на Општината. Вакви мерки се познати во цел свет! Применете ја таа мерка. Ем економски ќе функционираме во него зошто немаме заболени веќе 13 дена, ем ќе се заштитиме.

Си ги сакам сите гости назад во Шумски Фенери, си ги сакам сите гости од цела Македонија и светот. А ќе се вратат ако побрзо реагирате. Бидете најпаметни и нека покажуваат на вас со гордост како што покажуваат кон Дебар!!!!

БИТОЛА НА БИТОЛЧАНИ ДОДЕКА ПОМИНЕ ЛУДИЛОТО!!!!!!

Љубица Мушуланова Ристевска

Фото насловна Ангела Митковска

Врати порака

Please enter your comment!
Please enter your name here