Поранешен фудбалер на Пелистер е во бордот на директори кои сакаат да го купат ФК Пелистер?
Три директори од Шпанија, еден од Уругвај заедно со нашиот битолчанец Бруно Пресилски, поранешен фудбалер на ФК Пелистер, според suite.endole.co.uk се бордот на британската компанија Maximo Desarolo Limited со седиште во Лондон.
Бруно е роден на 25 декември 1972 г. и има настапувано за повеќе фудбалски клубови меѓу кои е и нашиот битолски Пелистер во 1989-91 и 2006-09 г.
Од страна на Maximo Desarolo Limited со седиште во Лондон била испратена понуда за откуп на 75% од акциите на битолскиот клуб ФК Пелистер.
Бруно Пресилски, извор YouTube
Имено во аналите на македонскиот фудбал Бруно Пресилски на 23-ти август 1992 г. во петтата минута го доведе Пелистер во водство во мечот со Рудар (5-0), со што стана првиот стрелец на гол во историјата на ПМФЛ.
