Темелите на средношколскиот образовен систем на мајчин јазик биле удрени во ова училиште, на 6 февруари 1945. За создавањето услови за почеток на наставата бил задолжен Крум Тошев, член на Комисијата за кодификација на македонскиот литературен јазик, а исто така коавтор на првиот „Македонски правопис со правописен пречник“. Работел на изработка на планови и програми, како и оспособување на зградата на Гимназијата за прием на нови ученици.
На првиот Наставнички совет било одлучено средното училиште да се вика „Гоце Делчев“. По свеченото отворање, над 500 ученици започнале наставата на македонски јазик. Прв директор дил професорот по физика Ордан Печијаре, а работеле 16 наставници.
Извор и повеќе на Сдк.мк Жанета Здравковска