Денес членовите на Чкембари ја завршија последната активност по повод 40-годишнината од постоењето на групата.
На симболичен начин, во градскиот парк беа засадени 40 садници дрвја – по 10 јавори, 10 питом костени, 10 каталпи и 10 дабови, како траен спомен на нивната љубов кон Битола, изразена преку дела што ќе живеат со години.
Со овој гест, Чкембари се надеваат дека ќе поттикнат и други здруженија, организации и поединци да придонесат со слични акции за убавината и иднината на градот.
Посебна благодарност упатија до „Галетекни – Прецизна лимарија“ за изработката на постаментот и до „Преспа Дрво Ресен“ за донираните садници.
ЧКЕМБАРИ ЗА БИТОЛА
