Традиционално, пред почетокот на новата сезона, навивачката група „Чкембари“ го претставува новиот број на списанието „Чкембари Фанзин“. Во печатената верзија се сумирани сите значајни настани од минатата сезона, а изданието, како и во претходните броеви, е збогатено со бројни ретро теми поврзани со „Чкембари“ и други навивачки содржини.
Списанието ќе биде достапно за купување во четврток на „Чкембарскиот штанд“, каде ќе бидат изложени голем број автентични навивачки материјали. Таму, битолчани и сите љубители на зелената боја ќе имаат можност да набават оригинален „чкембарски“ производ.
Од групата најавуваат дека утре ќе бидат објавени повеќе детали за навивачкиот штанд.
