БИТОЛА, ул.Рузвелтова бр.18 тел.075 22 47 22, Нов пазар 075 44 57 40

Пред утрешната седница на општина Битола на која ќе се дискутира за продажба на дел од акциите на ФК Пелистер, навивачката група Чкембари како дел од фудбалскиот клуб сакаме да упатиме 3 барања до сите советници во општинскиот совет.
1. Поради немањето доволни (никакви) информации за купувачот, пред гласањето, да се обезбедат дополнителни информации за евентуално новиот сопственик. Презентација на проектот како размислуваат да го развиваат клубот во иднина, и да гарантираат транспарентност во иднина, бидејќи иако се работи за 75% приватна сопственост, ФК Пелистер е субјект кој е од висок јавен интерес за Битолчани.
2. Да се вметнат клаузули или одредени анекси во договорот кој ќе го гарантираат зачувувањето на идентитетот на Пелистер. Амблем, боја, име и битолска адреса. Само зелено бел Пелистер!!!
3. Иако фудбалот е игра во која некогаш и парите не играат улога во крајниот резулатат, односно голем влог автоматски не значи голем успех. Меѓутоа, континуираното инвестирање може барем најмалку да го загарантирано прволигашкиот статус на клубот во лига како нашата. Бараме да изнајдете начин, некако да биде и самиот инвеститор условен, Пелистер само прва лига!!!
Иако со првичните најави, поради немањето на доволно информации, не сме кој знае какви оптимисти, но доколку Пелистер добие нови сопственици ние на истите им посакуваме многу среќа во управувањето на нашиот миленик. Но и ги потсетуваме, Пелистер е традиционален клуб и е име кое носи дополнителен притисок. Се додека мислите добро на нашиот клуб, од нас ќе имате безусловна подршка. Најискрено се надеваме дека така и ќе биде.

Чкембари Битола

Врати порака

Please enter your comment!
Please enter your name here