Традиционално, како и секоја година досега, подгрупата „Ултраc“ на навивачката група Чкембари реализираше хуманитарна акција во Домот за доенчиња, покажувајќи дека навивачката страст оди рака под рака со човечноста и грижата за најранливите.
Членовите на „Ултраc“ со посебна посветеност донираа неопходни средства и производи за секојдневна грижа на најмалите штитеници на домот, испраќајќи силна порака на солидарност и општествена одговорност.
Од Домот за доенчиња изразија благодарност за поддршката, нагласувајќи дека ваквите акции имаат големо значење и директно придонесуваат за подобрување на условите за згрижување на децата.
Со оваа иницијатива, „Ултраc“ уште еднаш потврдуваат дека хуманоста е вредност која не познава пауза и дека традициите изградени врз добрина оставаат трајна трага во заедницата.
