Учениците од ООУ „Гоце Делчев“ – Битола денешниот ден го поминуваат на екскурзија во прекрасниот природен амбиент на Ски-центарот „Стрежево“.
Наместо во училишните клупи, денот е исполнет со дружење, прошетки и активности на чист планински воздух, опкружени со зеленилото и убавините на Баба Планина.
Ваквите екскурзии се можност учениците не само да ја запознаат природата во непосредната околина на Битола, туку и преку заедничко дружење и рекреација да создадат убави спомени од училишните денови.
Убав ден за учениците од „Гоце Делчев“ – со настава заменета со природа, дружење и свеж планински воздух.
