Голем успех за битолскиот мотокрос ас Христијан Илиоски, кој на Европскиот шампионат во Турција, во Афионкарахисар, освои сребрен медал.
Илиоски беше одличен во двете трки и заврши на второто место, потврдувајќи дека е еден од најдобрите македонски мотоциклисти на европската сцена.
По настапот, тој упати благодарност до својот клуб, спонзорите, фановите и семејството за поддршката.
Овој резултат е голема гордост за Битола, за Мото клуб Пелистер и за македонскиот мотокрос.
