На 8 октомври 1988 година, во салата „Младост“ во Битола, се одигра едно од најконтроверзните дерби натпревари во историјата на југословенскиот ракомет помеѓу РК Пелистер и РК Металопластика. Натпреварот заврши со резултат 26:26, но ќе остане запаметен по немилите сцени и масовната тепачка која следеше по последниот свиреж.
Салата беше преполна, атмосферата наелектризирана, а дуелот меѓу двата реномирани клуба се претвори во скандал поради контроверзниот последен гол на Веселин Вујовиќ, постигнат наводно по истекот на времето. Настана хаос, играчи и публика се вклучија во тепачката, а гостинските ракометари од Шабац извлекоа подебел крај.
По инцидентот, следуваа драстични казни. Ракометарот Цане Крстевски беше суспендиран доживотно, Зоран Зечевиќ доби тригодишна забрана, додека казни беа изречени и за играчи на Металопластика, меѓу кои и Вујовиќ, кој доби деветмесечна суспензија. РК Пелистер беше казнет и со забрана за игра на пет натпревари во Битола.
Иако мечот првично требаше да биде празник на ракометот, остана запаметен како „најголемата тепачка во историјата на југословенскиот ракомет“. Тој настан засекогаш го промени ривалството меѓу двата клуба.
Поуката останува јасна: спортот треба да обединува, а ваквите сцени никогаш да не се повторат.
Голема благодарност до Стефан Чекутков
