Европската ракометна федерација (EHF) денес официјално ги потврди клубовите кои ќе учествуваат во новата сезона 2025/26 од најпрестижното клупско натпреварување – ЕХФ Лигата на шампиони, во машка и женска конкуренција.
РК Еурофарм Пелистер од Битола е еден од шесте клуба чии барања за надградба беа одобрени, по темелна евалуација спроведена од специјална група составена од претставници на EHF и клубовите.
Ова е огромно признание за клубот, градот и неверојатната публика која редовно го исполнува „Боро Чурлевски“. Битола повторно ќе биде европски ракометен центар!
Потврдени учесници во Machineseeker EHF Champions League (машка конкуренција):
РК Еурофарм Пелистер ( Македонија)
GOG (Данска)
HBC Nantes (Франција)
OTP Bank – PICK Szeged (Унгарија)
Kolstad Håndball (Норвешка)
Industria Kielce (Полска)
Тие им се придружуваат на веќе потврдените:
HC Zagreb, Aalborg Håndbold, Barça, Paris Saint-Germain, Füchse Berlin, SC Magdeburg, Telekom Veszprém, Orlen Wisla Plock, Sporting CP и Dinamo Bucuresti.
Жрепката за групната фаза ќе се одржи во петок, 27 јуни во 15:00 часот (ЦЕВ) во Виена
