Денес се навршуваат 25 години од масакрот кај Вејце, трагичен настан од 2001 година во кој животот го загубија припадници на безбедносните сили. Годишнината, наместо да биде одбележана со достоинство и почит, помина речиси незабележано на националните телевизии.
На ваквиот однос реагираше Соња Костадиновска, сопруга на еден од загинатите бранители, која со болка укажува дека игнорирањето на овој датум отвора сериозни прашања за односот кон жртвите и колективната меморија.
„Годишнините од вакви трагични настани не се само формалност, туку момент за потсетување, почит и општествено соочување со минатото. Кога националните телевизии ќе одлучат да го игнорираат или минимално да го покријат ваков датум, тоа остава впечаток на селективна меморија“, вели Костадиновска.
Таа додава дека особено боли кога станува збор за луѓе кои ги дале своите животи за државата, а нивната жртва со текот на времето се става на маргините.
Во својата реакција, Костадиновска потсетува и на зборовите на Гоце Делчев, нагласувајќи дека тие и денес имаат силна порака за општеството.
Дваесет и пет години по трагедијата, семејствата на загинатите сè уште ја носат болката, но и очекувањето дека нивните најблиски нема да бидат заборавени.
Вечна слава на загинатите бранители.
