БИТОЛА – Од хотелот „Молика“ пристигнуваат одлични вести за сите рекреативци и вљубеници во снегот: ски-центарот „Копанки“ на Пелистер официјално продолжува со работа.
Според официјалното известување, скијачката сезона на оваа омилена дестинација за битолчани и туристите продолжува од недела (15 февруари), кога патеките повторно ќе бидат ставени на располагање на посетителите.
Од менаџментот на центарот појаснуваат дека во овој период во функција ќе биде исклучиво ски-лифтот. Тие упатија апел до сите скијачи и бордери навремено да го планираат своето скијање согласно моменталните услови на теренот.
Покрај адреналинските спортови, посетителите се поканети да уживаат во свежиот планински воздух и автентичната зимска атмосфера што ја нуди Националниот парк Пелистер.
