Во времето кога Битола живеела поспоро, а секој чекор имал своја тежина, на Широк сокак постоела „Самостојна продажба на тутун“ на Димитрија Грамосли.
Фотографијата сведочи за едно подруго време, време кога продавниците не биле само места за купување, туку и точки на средба, разговор и живот. Во излозите, разгледници од целиот свет, а пред вратата, човек што како да ја чува приказната на градот.
Широк сокак тогаш бил срцето на Битола. Тука се среќавале луѓе, се разменувале поздрави и се испраќале писма кон далечни градови. Од ова мало дуќанче, покрај тутунот, се продавале и спомени.
Денес, оваа фотографија останува како сведоштво за духот на стара Битола, град што не се брзал, туку живеел.
Фото Димитар Грамос
