Една фотографија и едно писмо што будат спомени за едно друго време.
Во оваа архивска објава, припадници на првата генерација навивачи на „Чкембари“, додека го отслужувале воениот рок, испраќаат поздрав до своите другари и до целата навивачка група. Во писмото истакнуваат дека, иако се далеку од Битола, внимателно ги следат случувањата поврзани со ФК Пелистер и македонската навивачка сцена, горди што се дел од групата која, како што наведуваат, го достигнала самиот врв на македонската тифо-сцена.
Ова е уште еден вреден документ од историјата на „Чкембарите“, сведоштво за верноста кон клубот и пријателството кое не го прекинуваат ниту километри, ниту воената служба.
Ретро Битола, кога љубовта кон Пелистер беше и остана начин на живот.
Скок 1993 г.
