Славе Димитров, роден во Битола на 1 јуни 1946 година, уште како студент по музика дебитираше на скопскиот фестивал на забавни мелодии, каде со првиот настап ја покажа својата посебна надареност и смисла за модерно и современо музичко изразување.
Дипломираше на Музичката академија во Белград. Компонираше, пееше и пишуваше аранжмани, а неговите композиции се изведуваа на речиси сите југословенски фестивали. Пишуваше музика за филм, ТВ драми, играни ТВ серии и театар.
Меѓу неговите награди се првите награди на фестивалите „Ваш шлагер на сезоната“, Суботица и неколку први награди на фестивалот во Скопје.
Славе Димитров работеше и како музички продуцент во Радиотелевизија Скопје.
Извор: ВБУ Музичка Архива
