Битола од 5 до 8 октомври 2026 година ќе биде домаќин на Првиот фестивал на кинески филм, кој ќе се одржи во НУ Центар за култура – Битола.
За првпат македонската публика ќе има можност на едно место да погледне осум остварувања од современата кинеска кинематографија, со разновидна програма – од драма и анимација, преку фантастични авантури, до филмови инспирирани од богатата кинеска култура, митологија и традиција.
Фестивалот свечено ќе биде отворен во понеделник, 5 октомври, во 20:00 часот, во Големата сала, со проекцијата на „The Sun Rises on Us All“ („Сонцето изгрева над сите нас“) во режија на Цаи Шангџун. Филмот ги истражува човечките односи, личните избори и животните предизвици преку емотивните искуства на обичните луѓе.
Во следните три фестивалски дена публиката ќе може да ги погледне и „Fall Into the Mortal World“, „The Coffin Painter“, „Monster Hunt 1“, „When the Night Meets Light“, „Monster Hunt 2“, „Like a Rolling Stone“ и „24 Flavours“.
🎞️ ПРОГРАМА
5 октомври – Голема сала
20:00 – The Sun Rises on Us All
6 октомври – Мала сала
11:00 – Fall Into the Mortal World
20:00 – The Coffin Painter
7 октомври – Мала сала
11:00 – Monster Hunt 1
20:00 – When the Night Meets Light
8 октомври – Мала сала
11:00 – Monster Hunt 2
19:00 – Like a Rolling Stone
21:00 – 24 Flavours
Особено убавата вест за љубителите на филмот е што влезот за сите проекции е БЕСПЛАТЕН, по повод првата соработка и првото издание на фестивалот.
Четири дена, осум филмови и една можност Битола преку големото платно да запознае еден поинаков филмски свет.
