Ракометната сезона 2026/27 е пред почеток, а Еурофарм Пелистер ги информира навивачите дека започнува продажбата на сезонските билети за натпреварите на Еурофарм Пелистер и Еурофарм Пелистер 2.
Од 27 до 30 јули, досегашните сопственици на сезонски билети ќе имаат можност да ги задржат своите места и за новата сезона.
Од 31 јули започнува редовната продажба на сезонските билети. Цената изнесува 4.000 денари за страничните и 4.500 денари за централните места.
Со сезонскиот билет навивачите ќе имаат пристап до сите домашни натпревари на двата клуба во Суперлигата, Купот на Македонија, Регионалната лига и ЕХФ Европската лига.
Од клубот ги повикуваат сите љубители на ракометот навреме да го обезбедат своето место и да бидат дел од новите предизвици и амбиции на „зелено-белите“ во сезоната 2026/27.
