РК Еурофарм Пелистер подготвува посебна фан-зона посветена на навивачката група Чкембари, која годинава одбележува 41 година од своето формирање.
Фан-зоната, симболично наречена „Осмиот играч“, ќе биде поставена на платото пред спортската сала и ќе започне во 18:00 часот, пред европскиот натпревар на битолскиот клуб.
За посетителите се најавени музика и диџеј, зелен килим, навивачко шминкање, 360° камера, клупски производи, посебна зона за најмладите, како и храна и пијалаци. Пред влегувањето во салата е предвидено и заедничко навивачко одбројување.
Настанот е посветен на генерациите Чкембари кои од 1985 година го следат Пелистер на домашен терен и на гостувањата, останувајќи препознатлив дел од спортскиот и навивачкиот идентитет на Битола.
Пораката со која од клубот ја најавуваат фан-зоната е едноставна и симболична:
„На теренот се седум. Осмиот е на трибините.“
💚🤍 Чкембари 1985 – 41 година со Пелистер.
📍 Плато пред спортската сала
⏰ 18:00 часот
