Во Битола сè уште можат да се сретнат тивки сведоци на едно минато време, скриени во фасадите на старите објекти. Еден од нив е и овој декоративен медалјон со арапско писмо, изработен во османлиски стил.
Кружниот натпис, според својата форма и калиграфија, ја содржи познатата исламска формула – „Нема друг Бог освен Аллах, и Мухамед е неговиот пратеник“, позната како шахада. Ваквите натписи не биле само украс, туку и духовен симбол, поставуван како благослов и заштита на домот или објектот.
Денес, овие детали се дел од богатото културно наследство на Битола, потсетувајќи нè на различните цивилизации и традиции кои оставиле свој печат во градот.
Фотографии Ивона Кочов
