Една инспиративна приказна со корени од битолското село Ивањевци деновиве повторно го привлече вниманието на јавноста.
Според семејната приказна, легендарниот домаќин дедо Наум од Ивањевци со децении го чувал и усовршувал тајниот семеен рецепт за печење ракија, кој се пренесувал низ пет генерации. Велат дека луѓе од околните места пеш доаѓале само за да вкусат од неговата домашна ракија.
Денес, неговите внуци во Сиднеј, преку DNA Distillery, го претворија тоа семејно наследство во светски признат бренд. По истиот рецепт, но во современа дестилерија, нивните Classic и Gold Rakija уште при првиот настап на престижниот San Francisco World Spirits Competition освоија Double Gold, а подоцна продолжија да редат нови меѓународни признанија.
Како најново поглавје од приказната, годинава ја претставија и првата Plum Rakija, создадена во чест на истата семејна традиција.
Приказната повторно стана вирална откако беше претставена од популарниот интернет лик „Balkan Dedo“ на една од најгледаните австралиски утрински телевизии.
Од едно мало битолско село до светските врвови, уште еден доказ дека традицијата, кога се чува со љубов и почит, може да стане препознатлива низ целиот свет.
