На Државното првенство за училишен спорт во пинг-понг, што се одржа вчера во Пехчево, битолските ученици постигнаа исклучителни резултати и се вратија со вкупно три медали во конкуренција на основните училишта, како и значајно високо пласманско место кај средношколците.
Медали за основци
- Кристијан Митев – златен медал и титула Државен првак во конкуренција на основните училишта во Македонија
- Натали Бејковска – сребрен медал и 2-ро место
- Калина Митева – бронзен медал и 3-то место
- Андреј Бејковски – 4-то место, веднаш до медалите
Сите натпреварувачи настапија за своето училиште ООУ „Стив Наумов“ – Битола, под менторство на наставникот Христијан Јовановски.
Успех и кај средношколците
- Дарко Китановски од СЕПУГС „Јане Сандански“ – Битола го освои 3-то место и бронзениот медал.
Честитки!
Овие резултати претставуваат голем успех за учениците, училиштата, градот Битола и пинг-понг клубот, кој континуирано ги поддржува младите таленти.
Браво за борбеноста, трудот и спортскиот дух!
