Најбогатиот сопственик на Бурџ Калифа и Дубаи Мол, еден од најмоќните бизнисмени на Блискиот Исток, Мохамед Али Алабар, ги воодушеви граѓаните со својот неодамнешен престој во Македонија.
Алабар, кој, покрај највисокиот небодер во светот, Бурџ Калифа во Дубаи, е сопственик и на голем трговски центар и значајни инвестициски проекти, пристигна во Македонија со желба да ја истражи убавината и потенцијалот на земјата.
За време на посетата, тој не остана само во главниот град, туку направи и природна прошетка по битолскиот Широк Сокак, каде што беше видливо фасциниран од убавината на градот, мирот на пешачката зона и историската атмосфера што ја нуди Битола. Неговата прошетка по Широк Сокак привлече внимание кај локалните жители и туристите, кои со внимание го следеа неговото движење и поздравувања.
Во објавата на неговиот профил, Алабар го опиша целото искуство со зборовите:
„Македонија е земја на Александар – земја исполнета со историја, природна убавина и топлина на луѓето. Зарем не е прекрасно?“
Токму оваа високопрофилна поддршка ја предизвика бурна реакција кај дел од јавноста во јужниот сосед, што повторно ја отвори темата за значењето на наследството на Александар Велики и идентитетот на Македонија.
За време на неговиот престој, Алабар истакна дека Македонија има огромен потенцијал за развој на туризам, култура и инвестиции и дека убавината на земјата ја влева инспирација за идни проекти.
Посетата беше забележана не само како туристичка, туку и како можност за нови економски перспективи, што дополнително ја става Македонија на мапата на посакувани инвестициони дестинации во регионот.
Покрај милијардерот Карлос Слим, Алабар се вбројува како уште еден од големите моќни имиња кои имаат прошетано по најубавата улица на светот.
Видео
https://x.com/mohamed_alabbar/status/2004495282474791186?s=20
