Марија Димовска е прогласена за најдобра млада спортистка во Битола за 2025 година. И покрај тоа што голем дел од годината ѝ беше предизвикан од операција и рехабилитација, таа постигна извонредни резултати на национално и меѓународно ниво.
Марија освои први места на државно првенство, на Европски куп во Атина и Пловдив, на Светски куп во Јесоло и на Балкански куп во Белград. На Европско првенство таа се закити со бронзен медал за трето место.
Во рамки на официјалната церемонија, општина Битола ја награди како една од петте најуспешни млади спортисти во градот, истакнувајќи ја нејзината посветеност и постигнатите резултати.
„Очекувајте многу брзо да ме гледате најспремна до сега и со повисоки цели од било кога. Фала ти Боже за сѐ“, изјави Марија Димовска по примањето на наградата.
Со овие успеси, Марија не само што ја потврдува својата позиција како врвна спортистка, туку и служи како инспирација за младите спортисти да веруваат во своите соништа и да се стремат кон највисоки достигнувања.
