Еурофарм Пелистер го потврди ангажманот на 20-годишниот лев бек Малик Татар, словенечки ракометар со голем потенцијал и проекција за сериозна кариера.
Татар е роден во Целје, се афирмираше во Горење Велење, а ги помина и сите младински категории на словенечката репрезентација. Неговите квалитети го привлекоа вниманието на повеќе европски клубови, а од новата сезона ќе го носи зелено-белиот дрес.
Новиот лев бек потпиша двегодишен договор со битолскиот клуб и ќе биде претставен на почетокот на подготовките за сезоната 2025/26.
Татар е петто засилување за тимот на Лино Червар, по Котар, Серафимов, Белистојаноски и Џелиловиќ.
