Под мотото „Од кога започна сè… со љубов продолжува“, Културно-уметничкото друштво „Илинден“ – Битола на 13 декември 2025 година ќе го одржи својот голем јубилеен концерт, по повод 70 години непрекинато постоење и работа. Настанот ќе се одржи во НУ Центар за култура – Битола, со почеток во 19:30 часот.
Овој концерт претставува голем културен настан за градот, кој ќе го обедини целокупното творештво и развој на Друштвото низ четири историски периоди – од формирањето, преку најзначајните сценски моменти, па сè до денес. Публиката ќе има можност да ужива во богата програма, преку која ќе биде прикажано богатото наследство на македонската традиционална песна, оро, носија и културна меморија што КУД „Илинден“ ја чува повеќе од седум децении.
„Приказната што започна со љубов, продолжува да живее во секој чекор, во секое оро и секој глас – тоа е нашата мисија, која ја негуваме и пренесуваме на новите генерации“, истакнуваат организаторите.
Концертот се реализира со поддршка на:
- Министерство за култура
- Општина Битола
и со партнерство на компаниите:
MINT FinTech Group, Josifov Automobili, Hemometal Bitola и Vemilk.
Организаторите упатуваат јавна покана до сите љубители на фолклорот и традицијата:
