Битолчанецот Христијан Илиоски – Кико (#90) продолжува со успешните настапи на европската мотокрос сцена. На трката од БМУ Европскиот шампионат во Кортен, Бугарија, Кико стигна до одличното петто место – P5.
Овој натпреварувачки викенд беше одбележан со исклучително тешки и ризични услови на патеката. Беше извозена само една трка, додека втората беше откажана поради безбедносниот ризик за натпреварувачите.
Свесен за условите, Илиоски овојпат го приспособи своето возење на патеката, без непотребен ризик, и успеа да обезбеди уште еден вреден пласман во силната европска конкуренција.
„Овој пат возењето го прилагодив на дадените услови на патеката“, порача Кико по настапот, заблагодарувајќи им се на својот клуб, спонзорите, фановите и семејството за поддршката.
Зад битолскиот мотокросист стојат Triumph Motorcycles Skopje, Konti Hidroplast, Vulco Prilep, POWER SPORT SYSTEM, Silkolene, Igi-2000, EAM T-shirts, Goby Racing, Josifov avtomobili, Министерството за спорт, Општина Битола, FOD ДООЕЛ Новаци и Мото клуб „Пелистер“.
Од Битола до европските патеки – Кико и #90 продолжуваат напред!
#ХристијанИлиоски #Кико #90 #Битола #Motocross #BMU #EuropeanChampionship
