Вчера, по деветти пат во Струга се одржа торжествената литија (Еордија) со чесните мошти на Светиот Великомаченик Георгиј и неговата чудотворна икона. Годинава литијата беше збогатена и со иконата на Сепречистата Владичица Богородица – Кринска од манастирот Пречиста – Кичевска која што беше носена од четворица кичевчани.

Илјадници верници најпрвин во храмот на Великомаченикот во Струга прво учествуваа во служењето на ктиторската вечерна богослужба, а потоа сите заедно тргнаа со литијата низ улиците во градот.

BITOLA TOUR GUIDE / ПРЕВЗЕМЕТЕ ТУКА _____________________________________________________________________________________

На чело на литијата беше член на Бигорското братство кој го биеше клепалото, потоа следуваа носачите со крстови, рипиди, знамиња, псалтите и братството на Бигорскиот манастир, оркестарот на град на Скопје, чудотворните икони на Св. Георгиј Победоносец и Пресвета Богородица – Кринска, сестринствата од манастирите во Рајчица и Пречиста, свештенството на Дебарско – кичевската епархија, Митрополитот Тимотеј и други Митрополити, а на крај следуваа моштите на Светиот во украсен епитаф.

Оваа година во официјалниот дел од литијата беше и градоначалникот на Охрид, Јован Стојаноски.

Од оваа година моштите на Светиот Победоносец Георгиј беа носени од двајца видни струшки граѓани и уште двајца од други места, овој пат еден битолчанец и еден охриѓанец. Кирe Божиновски е битолчанецот кој вчера во Струга беше еден од оние кои ги носеше мошите.

Моштите беа придружувани и чувани и од четворица капетани од сејменската гарда на Бигорскиот Манастир.

По завршетокот на свечената литија, во дворот на црквата „Св. Вмч. Георгиј”, со своја културно-уметничка програма ќе настапи Ансамблот „Македонија”, како голем чувар на македонската народна музика и фолклор.

Ова е 9-та година, откако во полн сјај е обновена струшката традиција за одржување на Свечена литија секој 7-ми мај, ден по Ѓурѓовден, а во чест и спомен на Св.Георгиј Победоносец.

Извор Тера ТВ

Врати порака

Please enter your comment!
Please enter your name here