Има една анегдота со авторот на Форе и фазоне, Раша Попов. Го прашале, каде најчесто се раѓаат гении, на што тој одговорил: “Уште во мое време, беше воочливо дека високите интелектуалци доаѓаат од провинција, дека провинцијата раѓа гении.” Оваа изјава на Раша им ја посветувам на Исмаил Лумановски, Горан Бојчевски, Благојче Трајковски и Благој Љамнов. Тие сношти на најдобар начин покажаа дека Битола не само што не е провинција, туку е центар на музичкиот свет. И не се саде тие и не се саде тука. Уште нешто. Четворицата сношти им оддадоа таква чест на човекот кој ги открил и им ја покажал магијата на кларинетот, проф. Панде Татарчевски и на легендите Тале Огненовски и Стојан Трајковски. Вакви деца старите на времето ги викаа деца од мајка, оти ниту почнало нешто со нив, ниту ќе заврши. Хрватите за вакви луѓе викаат “то је друга разина”.
