БИТОЛА, ул.Рузвелтова бр.18 тел.075 22 47 22, Нов пазар 075 44 57 40

Нов голем успех на тимот на Болница „Плодност“. Кај пациентка на 52 годишна возраст, со карцином на ендометриум на матка (серозен тип), по лапароскопски пат направено е отстранување на матката со јајниците и лимфните жлезди во карлицата.

Ваква обемна и сложена операција Total laparoscopic hysterectomy cum aortocaval and pelvic node dissection е прва операција од овој вид, направена во Македонија.

Оперативниот зафат траеше 3,5 часа. Пациентката истата вечер беше подвижна, а болницата ја напушти по три дена од оперативниот зафат, во одлична состојба.

Бенефитите од овој оперативен зафат се многубројни: побрзо опоравување, помал губиток на крв, помала болка и поголем естетски ефект, бидејќи се избегнува огромниот хируршки рез на стомакот. Уште поголема предност на лапароскопскиот пристап е поегзактно и поефикасно препарирање на лимфните жлезди во однос на класичната хирургија. Со вадењето на парааорталните, паракавалните и пелвичните лимфни жлезди, се одредува поточно стадиумот на болеста.

Оперативниот тим, кој ја изведе досега лапароскопски најсложената операција во Македонија, ја сочинуваа браќата д-р Христијан Трпчевски и д-р Синиша Трпчевски, анестезиологот д-р Филип Трајковски, медицинска сестра – инструментарка Билјана Стојковска-Наумовска, и медицинска сестра од анестезиологија, Ирена Стојановска. Д-р Синиша Трпчевски е првиот македонски гинеколог кој работи роботска хирургија во Австрија.

Врати порака

Please enter your comment!
Please enter your name here