Голем успех за битолскиот и македонскиот бокс!
Ален Рустемовски го освои бронзениот медал на Европското сениорско првенство во бокс во Софија, запишувајќи резултат кој ќе остане запаметен во македонскиот спорт.
Рустемовски до европскиот медал стигна по одлична серија настапи. На патот до полуфиналето ги совлада Беник Мелкумјан од Луксембург со 5:0, Вилијам Хјуит од Англија со 4:1, а во четвртфиналето го елиминира и Артур Базејан од Ерменија.
Во полуфиналната борба во категоријата до 60 килограми, Рустемовски се соочи со Украинецот Ајдер Абдураимов, а по голема борба победата му припадна на украинскиот боксер со поделена судиска одлука.
Но, Софија ја напушта со нешто многу големо – ЕВРОПСКА БРОНЗА!
Уште еден доказ дека Битола има спортисти кои можат рамноправно да застанат меѓу најдобрите на европскиот ринг.
Браво, Ален! Битола е горда!
