Битола има причина за гордост – на Државното првенство во стрелаштво за основни и средни училишта, младите битолски стрелци постигнаа извонреден успех и се вратија дома со вкупно шест медали.
Во конкуренција на голем број талентирани натпреварувачи од целата држава, битолчани покажаа високо ниво на подготвеност и спортски дух, освојувајќи највисоки позиции на подиумот.
Резултати:
🏅 Основни училишта – женска конкуренција
- Сара Саздовска – 2 место
🏅 Основни училишта – машка конкуренција
- Димитар Каровски – 1 место
🏅 Средни училишта – женска конкуренција
- Теодора Христова – 2 место
- Лела Стојановска – 3 место
🏅 Средни училишта – машка конкуренција
- Вања Арсиќ – 1 место
- Андреј Велјаноски – 2 место
Од училиштата и тренерите упатуваат големи честитки до сите натпреварувачи за постигнатиот успех, истакнувајќи дека ова е само уште една потврда за континуираниот развој на стрелаштвото во Битола.
Со силна мотивација и сериозни тренинзи, младите стрелци најавуваат уште поголеми спортски достигнувања.
„Продолжуваме посилно – со секој истрел чекор поблиску до нови успеси,“ порачуваат тие.
