Во текот на својата работа, често се соочував со прашања од клиентите за значењето на одредени параметри поврзани со рекламирањето, не само на социјалните мрежи, туку и на Google.
Најчесто поставуваните прашања беа во врска со трите основни термини:
✔️Impressions
✔️Reach
✔️Engagement
По малку размислување, успеав да најдам универзално објаснување кое ми помогна полесно да ги појаснам овие поими – преку аналогија со Широк Сокак.
Impressions се како да прошеташ низ Широк Сокак од Магнолија до Офицерски. Ако го прошеташ 100 пати, тоа претставува број на импресии (Impressions).
Reach е колку луѓе те забележале додека шеташ. Ако излезеш 100 пати, а никој не те видел, џабе ти е шетањето – тоа значи лошо рекламирање.
Engagement се однесува на интеракцијата. Ако си шетал 100 пати, те виделе 10 луѓе, а се имаш поздравено само со двајца – тоа поздравување е Engagement.
А како да ја измериме успешноста на рекламата?
Тоа зависи од целта. Ако целта ти е да се поздравиш со многу луѓе, тогаш ако се поздравиш со 10 во една прошетка – имаш успешна реклама. А ако те почестат со кафе – си мастер.
Но, ако ја вртиш улицата 100 пати и никој не те видел, па уште и сам седнеш на кафе – тогаш веројатно ќе ти извадат муабет.
