Во ОУРЦ „Кочо Рацин“ – Битола денес беше одбележан Денот без автомобили, со активности посветени на почистата животна средина, здравите животни навики и безбедното движење.
Иако утрото започна со дожд, временските услови подоцна се подобрија, а сончевите зраци овозможија учениците и учесниците да уживаат во движењето, дружењето и заедничките активности.
Со пешачење, велосипеди и тротинети беше испратена едноставна, но важна порака – дека секој од нас со мали промени во секојдневните навики може да придонесе за почиста Битола и побезбедни улици.
Особено значајна беше и пораката за град достапен за сите, во кој мобилноста, безбедноста и грижата за животната средина одат заедно.
Денот без автомобили уште еднаш потсети дека улиците не се само простор за возила – тие се простор и за луѓето.
