Иако не живее во овој дел од градот, Муамет, лице од ромска националност, со лична иницијатива и без никаков надоместок, деновиве целосно ја исчисти дивата депонија која со месеци се наоѓаше околу станбените згради во населбата.
Без поддршка од институции и без медиумско внимание, Муамет самостојно ја спроведе акцијата, воден единствено од чувството на одговорност и грижа за заедничкиот простор. При чистењето беше отстранета значителна количина отпад, а просторот повторно стана почист и побезбеден за жителите.
Жителите од околните згради изразуваат благодарност и велат дека вакви примери ретко се гледаат, посочувајќи дека станува збор за гест кој заслужува јавно признание и почит.
Овој чин е потсетник дека грижата за животната средина и за заедницата не зависи од адреса, припадност или обврска, туку од човечноста и личната свест.
Текстот и фотографиите се јавна благодарност од луѓето кои што живеат таму. Ти благодариме Муамет.
