По свеченото затворање на Интернационалниот фестивал на монодрама, вечерта продолжи во пријатна и празнична атмосфера со заеднички коктел за сите гости, учесници и пријатели на фестивалот.
Во духот на дружењето и одбележувањето на уметноста, присутните имаа можност да уживаат во музичката програма на групата Код 369, која со својата енергија и впечатлива изведба ја заокружи фестивалската вечер.
Коктелот претставуваше простор за неформално дружење, размена на впечатоци и отворање нови идеи и соработки, со што на достоинствен начин беше ставен крај на уште едно успешно издание на фестивалот.
Фото: Диоген Хаџи Коста Милевски
Кети Талевска
